羅仲謙操靚副偈趕慰妻造人

結婚一年多的楊怡與老公羅仲謙（謙謙），婚後各有各忙聚少離多，令一直想生BB的兩人至今仍未能「造人」成功。為趕生狗BB，楊怡今年決定大幅減少工作量，夫婦今個農曆新年亦雙雙留港度歲，趁機造人。

畀女圍逐一合照

謙謙雖然日前要出席活動，但結束後急往操定副靚Body陪老婆！當日他離開時被一班粉絲包圍要求影合照，當中有男有女還有小朋友，但女Fans佔大多數。親民的謙謙來者不拒，逐一跟粉絲影合照，滿足所有人後才乘七人車前往旺角的健身室做Gym。向來有「巨胸謙」之稱的他狂操其Big爆的42吋胸肌，足足逗留了近兩小時，最後換埋衫走人，並急急腳乘車返大埔屋企陪太太，相信是為應付積極造人而加操！

謙謙急急乘車返屋企慰妻，臨入閘不忘向記者揮手道別。	羅仲謙、楊怡 大大隻，最好錫！（設計對白）	羅仲謙靚仔又有身材，畀女Fans圍是常識吧。

搵阿媽陪湊愛犬

另一日，謙謙又於內地工作未能相伴，楊怡只得找來愛犬及母親作伴。當日下午1時半，兩母女帶着家中兩隻愛犬駕車離開大埔寓所，前往附近寵物店。戴着Cap帽及口罩的楊怡泊好車後，與媽咪一人抱住一隻愛犬進入寵物店，甫見記者拍照即友善揮手打招呼，然後將兩隻愛犬交給職員扮靚洗白白。

文、攝：追蹤組