吳業坤「母女通殺」搵薛家燕辟邪
歌手吳業坤昨日到新城接受薛家燕節目訪問，坤坤笑言早前去巴黎拍外景因未有請薛家燕同行，搞到在酒店撞鬼，薛家燕笑說：「你當我辟邪呀！」坤坤說：「係你夠旺氣啫！」坤坤稱在巴黎返港後，得知薛家燕任黎小田演唱會嘉賓即去捧場，更走到後台打氣，但未及向小田打招呼。薛家燕指應給黎小田好印象，坤坤笑說：「返唔到轉頭啦，我成日撩你。」她笑說：「所以我要勸你少啲口花花。（佢成日撩女仔？）唔係，淨係見到佢撩我啫！OK嘅，搞吓氣氛啫！」問到可有介紹好女仔給坤坤？她表示有問過其擇偶條件，在旁的坤坤搶答：「珊珊（薛家燕女兒石祐珊）呀！」更自爆早已「抄牌」得知珊珊的聯絡電話，薛家燕被嚇窒更指坤坤「好大膽」：「情場嘅嘢慢慢嚟，你個心唔好多就得喇！」
