阿嬌爆未婚夫情話Sweet到嘔

最近宣布訂婚的「女神」鍾欣潼（阿嬌），擔任東網巨星炮製的節目「海馬牌床褥特約」《閨蜜睡房》嘉賓，與主持人李惠儀（Kiwi）大談感情世界。阿嬌冧爆說去年最大收穫是愛情，經朋友介紹認識有「醫界王陽明」之稱的台灣醫生未婚夫賴弘國。

真誠打動芳心

阿嬌爆原來未婚夫初時竟不知她的容貌：「佢知有個組合叫Twins，知道阿嬌，但唔知我個樣係點，亦唔知我Partner係邊個。」又坦言當時考慮了幾個月才決定跟他拍拖，因不想浪費時間在一段沒結果的戀情，但對方最終以真誠打動她。

談到與未婚夫的Sweet事，阿嬌透露對方經常讚她最靚：「佢係整容醫生，佢話冇人整到我個鼻，好叻嘅醫生都整唔到。佢又成日推我塊面話『真的沒有垂下來』，經常研究我塊面。（讚你係零死角美女？）佢點都覺得我最靚，成日講埋啲嘢令我想嘔，哈哈！」想知阿嬌的未婚夫有何缺點？二人分隔兩地如何維繫感情？請留意今個星期五、六、日播出的《閨蜜睡房》！

文：音樂組