蕭正楠陳凱琳 冤家聯手剷負評
由蕭正楠、陳凱琳、黃智賢及湯洛雯主演的無綫新劇《翻生武林》，既有阿蕭與Grace的鬥氣冤家情節，又有黃智賢與簡慕華的淒美愛情，更不少得蝦頭（楊詩敏）與老拍檔泰臣（翟凱泰）的搞笑演出，加上姜大偉的武林大陰謀，令這齣古裝武俠喜劇大有看頭！
《翻生武林》將於3月5日晚上八點三十分首播，是觀眾久違了的搞笑武俠題材。故事講述蕭正楠飾演的玉雲龍是一名說書人，憑三寸不爛之舌，道盡各個引人入勝的故事，其實他暗中亦為朝廷效力唱好武林，皆因皇帝怕武林中人謀反，因此除了安排仇不羣（黃智賢飾）、仇在心（陳凱琳飾）的東廠錦衣衞幫手剷除反對聲音外，亦借助阿蕭這個變相「官媒」雙管齊下，藉此鞏固統治威信！
豈料原來有一個武林大秘密，正正就在玉雲龍姐姐玉嬌鳳（簡慕華飾）所經營的平安客棧中，引來各方覬覦，更與消失多年的武林盟主任我飛（姜大偉）有莫大關係，引發江湖一場大風暴，亦造就了阿蕭與陳凱琳這對鬥氣冤家，並帶出黃智賢與簡慕華淒美又遺憾的愛情，令人笑中有淚。
倒吊咀到充血
陳凱琳在劇中不但被阿蕭作弄，更有場似足《蜘蛛俠》經典一幕的親吻戲，她說：「劇入面有場講阿蕭為咗幫我匿埋，將我一手按落水中，然後一屁股坐喺我上面，拍嗰陣唔使我真係畀佢坐住，鏡頭交代就得。不過有場我要倒掛去Kiss佢，就好似《蜘蛛俠》咁，不過男女位置掉轉，因為我真係要被倒吊，所以拍嗰陣每半分鐘就要放一放我落嚟，如果唔係啲血衝晒上腦，我塊面就會紅晒。嗰場好難忘，唔係尷尬，而係驚自己咁樣倒吊太耐會暈，事實上真係好頭暈！」
笑點低難接招
陳凱琳又笑言與阿蕭合作，要注意忍笑：「其實我同阿蕭喺《巨輪II》合作過，已經好有默契，今次合作更有火花。佢好有喜劇感，拍嗰陣我都要好辛苦咁忍笑，佢好多創意計仔，會將佢以前睇過嘅周星馳、占基利融會貫通再創作，效果令人出乎意料。（你接唔接到招呢？）我不嬲都自評唔夠搞笑，笑點好低，好在角色需要我好認真、正經咁去做個錦衣衞！不過我鍾意拍喜劇，開工開開心心，呢部劇亦係我入TVB以來最多打戲嘅一齣，我都鍾意打同吊威吔，感覺自己好輕盈！」