楊明生日莊思明轉送蘿蔔糕
藝人楊明37歲生日，今年可謂雙重「驚」喜，既獲女友莊思明窩心安排慶生，更獲黃光亮獻吻，認真「艷福無邊」！楊明冧到爆，夠晒甜頭，更以蘿蔔糕代替生日蛋糕慶祝。
無綫新劇《果欄中的江湖大嫂》演員陳煒、黃光亮、黃浩然、岑麗香、楊明等昨日到油麻地果欄宣傳大派生果，大受街坊歡迎。劇組驚喜送上蛋糕為前日生日的楊明補祝，黃光亮更主動獻肉嘴，十分搞笑！
楊明透露生日與朋友及女友莊思明一齊食飯慶祝，問到女友送上甚麼驚喜？他說：「佢都畀咗好多驚喜我，有禮物、又同我食飯，佢都忙緊兩套劇，都好感動。佢知道我唔鍾意食蛋糕，所以叫餐廳準備蘿蔔糕同生果當蛋糕同我慶祝。（幾時成家立室？）未，如果結婚一定會通知大家，暫時未有計劃，因為女友都要拍劇，我連續拍咗9個月劇，都係時候抖一抖。（長輩催婚？）冇，反而市民催我哋結婚多啲，好窩心啲街坊好似當咗我哋自己人咁！」
香香紮辮 煒哥騷胸
岑麗香以孖辮Look新形象示人，她指在劇中的角色跟以往不同：「之前經常演善良、溫柔同Sweet嘅角色，今次會惡番啲會鬧人，係個好有正義感嘅老師。（對老公強強惡唔惡？）屋企嘢唔講喇！哈哈。」至於女主角陳煒以低胸裝亮相，她笑說：「諗咗好耐，諗住着得型格啲有啲江湖味道，所以就着靚啲。」她又說對劇集收視有信心，大家全力以赴去做，希望觀眾鍾意。
文：影視組