林師傑搞婚禮（抓）資助
藝人林師傑、陳庭欣、張秀文和朱智賢等前晚演出直播節目，林師傑的未婚妻歐陽巧瑩亦有現身。他表示工作忙碌，仍未商討婚禮事宜，又笑言：「好需要幫助同財政上嘅支持，過完新年應該會安排呢件事。」又謂會到雙方家中拜年，之後再約兩家人食飯傾婚事。林師傑透露情人節原想下廚炮製大餐，但兩人回家後瞓到晚上11時半，最後到快餐店醫肚。
同場的陳庭欣早前到菲律賓拍攝新劇《兄弟》，她表示有場大型槍戰：「嗰吓都幾驚，見到彈殼彈埋嚟，嗰吓反應就係合埋眼。」但慶幸只是撞瘀膝頭。
張秀文對戀情觀望
至於張秀文日前被本報拍得與前經理人Victor及愛犬「太郎」到寵物嘉年華，她表示對戀情持開放態度：「我冇話一定冇可能，緣分嘅嘢時間啱，就可能會發展得深入啲。」朱智賢則被問會否到緋聞男友謝東閔家中拜年？她說：「睇佢歡唔歡迎我啦。」
