黃子華一元復始「票房毒藥」除名
棟篤男神黃子華主演的賀歲片，在情人節優先場、前日上畫日加上昨日年初一，累積票房突破一千萬港元，終於一雪當年自導自演《一蚊雞保鑣》只得11萬多港元票房之恥，搣甩「票房毒藥」稱號！子華前晚風騷謝票，大有「一元（一蚊雞）復始，萬象更新」之態！
搞笑但不胡鬧
子華前晚與佘詩曼、C君、張建聲及陳嘉莉到旺角為新片《棟篤特工》謝票，觀眾驚見子華神，齊齊大嗌歡呼，子華對於觀眾好反應表示：「開心嘅，我都有上網留意佢哋嘅反應。（滿意票房？）冇得唔滿意啦，做電影我係新仔，有咁嘅成績好好，呢個只係起步，希望有下一步！（『票房毒藥』可以除名？）最開心觀眾知道套戲係笑片，但唔係胡鬧，係齣認真嘅戲！（阿佘旺你？）呢啲唔使講啦，下集阿佘要預埋我呀！」對於票房破千萬，子華說：「衷心多謝觀眾同埋戲中咁多位巨星嘅支持，希望可以好似戲中陳先生一樣，人類能夠自省，世界和平！」
佘詩曼則指很榮幸再與子華合作，又謂和對方一樣，都是與家人吃飯後即趕往戲院。而張建聲表示忙到連情人節都沒時間陪女友陳嘉莉，C君則透露將會拍攝由張建聲監製的新片。
文：影視組