馮盈盈賺到笑爽派開工利是

藝人馮盈盈大年初一便要開工，昨日她與張寶兒、黃心穎、鄧佩儀與莊思明等到電視城參與直播節目《靈犬獻瑞賀新歲》，問到收工後有何節目？盈盈搞笑說：「我有好多節目喎！除咗呢個節目，仲有《都市閒情》同埋《#後生仔傾吓偈》，拜年拜足全日！（爆晒騷咪好賺？）我視錢財如糞土（口架）！今年第一次派開工利是，舊年見到好多女同事派，我仲以為佢哋結咗婚添！」

張寶兒冧讚男友

肖狗的盈盈今年犯太歲，問會否擔心影響運程？她笑說：「唔怕喎，我覺得係相襯添！我等咗12年，終於再到我嘅年喇！」而張寶兒與男友袁偉豪感情穩定，問是否等對方上門拜年？她笑言：「會同親戚朋友拜年先。（教佢氹屋企人？）唔使貼士，佢都咁大個人，一直都好照顧我屋企，好尊敬長輩。」

張寶兒玩遊戲時相當落力。	唔知黃心穎幾時會派雙封利是呢？	張寶兒、黃心穎、鄧佩儀與莊思明齊齊為胡楓伴舞。

心穎供樓呻手緊

同場的心穎兩個口袋放滿利是，「升呢」女一又買樓的她，問是否荷包腫脹？她笑言：「都係準備畀同事嘅，試過有一年唔夠派！不過我今年手緊，我要供樓呀！」問到可會找男友馬國明分擔？心穎笑言：「我都仲可以賺到錢養自己嘅！（下年派雙封？）講到咁長遠？未係機會，加多啲餡都仲得嘅！（等馬國明上嚟拜年？）聽日就同屋企人返鄉下，未知佢有冇時間。」講到新一年願望，心穎希望健健康康：「做演員希望有足夠精神同體力，加上今年犯太歲，自己都有少少迷信，會請媽咪幫我攝太歲。」

文：影視組