林泳淘王卓淇靠桃花妝發「新年財」
無綫小花王卓淇與林泳淘趁農曆新年相約換新裝，教大家如何打造最吸睛的賀年造型（扌豆）利是！王卓淇認為新年應以紅色為重點，除了可以用紅色胭脂化「桃花妝」外，更笑言：「可以着到成個利是封咁，等大家都知你想（扌豆）利是！」林泳淘認為手指甲亦是一大重點，她說：「因為（扌豆）利是對方一定見到，所以一定要整！」
林泳淘笑言（扌豆）利是曾經發生尷尬事：「有次新年去咗男友屋企，本身諗住探吓世伯、伯母，點知突然佢成班親戚一齊上嚟拜年，我厚住面皮（扌豆）晒所有人嘅利是！第一次見面就問人攞錢，當時真係好尷尬！」問到新一年是否想行桃花運？林泳淘坦言：「年年都想o架啦！」王卓淇則表示桃花運代表觀眾緣，希望新一年順順利利，事業愛情兩得意！
場地：Mini Hotel Causeway bay