衛蘭着紅底催運
踏入狗年，歌手衛蘭（Janice）、衛詩（Jill）、許廷鏗（Alfred）、組合Dear Jane、陳詠謙及曾若華（Jude）趁年初二回「娘家」唱片公司食開年飯，一眾單身歌手見到人夫Dear Jane成員黃天翱（Tim）及陳詠謙立即伸手(豆)利是，場面搞笑！
陳詠謙量入為出
陳詠謙笑言派利是會量入為出：「囝囝收得多，咁咪派番多啲出去囉！（要正月十五先拆得利是喎！）係咩？咁多年都係一收到就即刻拆，但都有預番一個數嘅，老婆話事啦！」至於做了老竇的Tim派利是派得高興，他說：「開心嘅，同埋今年會帶埋囡囡去拜年。」問到其他單身人士明年會否派埋一份？他們互相推搪不願自爆，此時Alfred講笑：「我年年都派……開工利是，如果我夠資格派都希望派。」
談及農曆新年的傳統習俗，Tim透露由細到大都用碌柚葉洗澡，以及穿紅色內衣。Jude的父母則會將壓歲錢放在她的枕頭下。至於性格洋化的Janice及Jill沒有慶祝農曆新年的習慣，但笑言今年會破格嘗試穿紅色內衣旺一旺！
許廷鏗被催婚頂得住
問到農曆新年有咩搞作？Dear Jane及Jill透露會閉關創作新歌，身旁的Jude表示與婆婆同住，有不少親戚會上門拜年。至於Janice及Alfred同樣計劃去旅行，Alfred說：「會同屋企人過埋初一先飛。（拜年嗰陣會畀長輩催婚？）唔怕，因為對上仲有幾兄弟姊妹，暫時都頂得住。」而問到兩位爸爸可有考慮再添丁？陳詠謙笑言親戚朋友都不敢叫他追多個，Tim則笑言慢慢來，順其自然。
文：音樂組 攝：劉智源
Dear Jane、衛蘭、衛詩、曾若華
髮型：Jamie Lee@HAiR
衛蘭、衛詩 化妝：Samuel@江中平化妝室
許廷鏗 髮型及化妝：dereklihair@xenter/Khaki Yan
陳詠謙 髮型及化妝：Haysses Ip@HAiR/Chi Chi Li