城城：全港市民收利是！網民集氣嗌找數

天王郭富城去年雙喜臨門，榮升人夫兼人父，傳統習俗上新婚人士在首個農曆新年會派雙封利是。而昨日無綫「See See TVB」Facebook官方專頁，就上載了一段於1994年城城接受《娛樂新聞眼》主持人祝文君的訪問片段，當時未到30歲仍未婚的城城被問到會否派利是？城城當時說：「我未結婚嘛！傳統思想係話結咗婚先派利是，咁我希望有一日我結咗婚嘅時候先派。」他更向全港市民作出承諾並揚言：「個個都有份，我講過嘅，全港市民都會收到我嘅利是！」