雨僑唔Like大隻仔：怕佢吞噬我

藝人雨僑、吳浩康及張建聲等昨日出席健身中心開幕活動，現場有來自韓國健美先生騷肌，雨僑說：「揀男友太大隻驚好似會吞噬咗我，好大力咁，但一般男士有肌肉好啲。（男友羅力威有幾多舊腹肌？）一舊連成一體，比較瘦，佢有跑吓步，反而冇操肌，我唔要求伴侶多肌肉。」又笑言男友喜歡有肉地，所以潛意識令她愈來愈肥，笑言不可被男友影響。
張建聲（左）、陳嘉莉、雨僑及吳浩康一同出席開幕活動。
張建聲（左）、陳嘉莉、雨僑及吳浩康一同出席開幕活動。

另外，34歲的吳浩康表示希望在40歲前與不同國籍的選手打泰拳比賽切磋。張建聲則透露過年後會拍多幾部作品，但甚少與女友談公事，怕對方擔心他對工作過分投入。

韓國健美先生晒肌肉。
  • 韓國健美先生晒肌肉。