「咪神」陳偉琪「鬆綁」瞓覺最自在
爆乳「咪神」陳偉琪自爆不愛戴Bra睡覺，外表充滿女人味的她卻自嘲好Man。她表示從未想過入行當藝人，當年獲髮型師鼓勵而踏上選美舞台，「唔輸得」的性格令她連贏三個獎。
在無綫劇集《誇世代》色誘陳豪而獲封為新一代「咪神」的陳偉琪（Vicky），為東網巨星節目「海馬牌床褥特約」《閨蜜睡房》擔任嘉賓，她穿上像藍色恤衫的睡衣笑說：「咁樣瞓覺好舒服，因為女仔都鍾意唔戴Bra瞓覺，一笠上去就得。」熱愛運動的她更是打籃球高手，她說：「小學四年級開始打籃球，又鍾意玩田徑，所以身形比較大隻，好多肌肉。」有指身材好做運動時有「阻力」，她笑言沒有此煩惱：「戴運動Bra跑步同跳都冇問題。」
「私底下好Man」
外表女人味十足的Vicky笑說：「私底下嘅我係男人！」又指自己不愛斤斤計較兼好就得人，她說：「屋企啲粗重嘢，搬搬抬抬都係我做，五歲就識自己拎行李，其實我好Man。」選美出身的她在加拿大溫哥華華裔小姐競選中，個人連奪亞軍、「最上鏡小姐」及「最優雅模特兒獎」，但原來在溫哥華修讀政治及哲學的她以前一直想做律師，參加選美純屬誤打誤撞。
行Catwalk被鬧似男人
Vicky透露當年參加選美是受髮型師鼓勵：「佢話『你試吓啦，個樣又唔太衰，第日你做咗嫲嫲、婆婆，都可以同啲孫講參加過香港小姐、華裔小姐，留個倩影。』」又自爆行Catwalk時，被老師鬧行得似男人，由於不甘心亦唔輸得，她努力看模特兒錄影帶練習行路姿態，她說：「攞到亞軍、最上鏡小姐都唔係最開心，最開心係攞到最優雅模特兒。」更大談擇偶條件及對愛情的看法，記得今個星期五、六、日收看《閨蜜睡房》喇！
文：音樂組