Fans「買飛」受騙霆鋒澄清未落實開騷

近日流傳謝霆鋒今年會在內地開騷，有粉絲指門票高達6,500元人民幣（約8千港元），對此，霆鋒所屬公司英皇昨晚發聲明，澄清「謝霆鋒2018巡迴演唱會」屬不實內容及廣告，並強調霆鋒的演唱會事宜以公司官方消息為準，其經理人霍汶希昨晚回應：「有粉絲買咗飛受騙，歌迷會會長求證我哋，我哋覺得事態嚴重，因為價錢開到好高。我哋未正式公布開騷，大家唔好相信，明白大家想睇騷，但我哋未確定到演唱會嘅時間同地點，所以係冇呢件事。」