陳百祥讚陸永反應快窒得好！

藝人陳百祥（阿叻）與李思捷等，前晚於九龍灣出席保良局慈善首映《一家大晒》活動。對於有指陸永在無綫台慶頒獎禮上，因寸阿叻後被照肺，阿叻否認並大讚陸永反應好：「都唔知報道講乜，我哋大家都係靠把口搵食，等觀眾開心吓。如果照稿講就唔使搵我哋啦，我覺得一啲問題都冇，佢反應好好，如果佢唔窒番我先至冇反應！」又指現今並非要只會念稿的司儀，更大讚農夫與鄭裕玲有化學作用。談到他被陸永窒時面有難色，他笑說：「我梗係要畀反應交戲啦，我上下靶都做！」又透露將在內地與偶像簡東拿合作拍法國足球電影。