城城愛女滿百日派大眼B曲奇

城城的太太方媛月前誕下愛女後，城城即變身「暖爸」，提起愛女便甜笑，而近日BB女已滿100日，夫婦倆四出派發「喜餅」，曲奇盒上用藍色印製了一個「大眼B」可愛圖案，內附卡紙用英文大意寫上：「新生兒恍如愛、喜樂、奇妙、希望以及所有夢想可能性的開始！」下款署名城城與家人，認真Sweet爆！

開工想掉頭走

而城城最近則忙於偕新片拍檔羅仲謙及導演鄭保瑞齊齊為《西遊記女兒國》宣傳。一向敬業的城城今次繼續扮演美猴王，談到自己的角色造型竟坦言：「特技造型上係辛苦嘅，不過上一套拍完隔咗咁耐又唔記得（辛苦）嘞！其實兩次悟空嘅造型係有分別嘅，今次會比較貼近猴子樣貌，首次造型就用咗12小時，不過簽約去到台灣開工，我真係有一刻衝動想掉頭走，仲即刻打畀小美（經理人）問係咪可以唔拍，不過最後我都選擇挑戰自己。拍攝期長達4個月，每日都有防敏感藥膏跟身。除咗滿身毛外，最慘係頭上嘅金剛箍，有動作要箍到好實，等同皮肉之苦。」

城城與方媛的愛女已滿100日，兩公婆派「喜餅」分享喜悅，用了「大眼B」的可愛圖案。

城城（左起）、鄭保瑞及羅仲謙宣傳《西遊記女兒國》。

羅仲謙開OT手腫

至於羅仲謙亦「不遑多讓」，每天穿上根據他體形而特製的超薄緊身衣開工，只要稍為「超時」的話，手部便會出現發紫及發腫的情況：「每日大約只可以拍8小時，負責特技化妝嘅團隊好好，見到唔妥就會幫我叫停，最辛苦係去洗手間極唔方便，冇得上大。」

而身為導演的鄭保瑞雖然對演員的「痛苦」深表同情，但某程度上又愛莫能助，他說：「唯一可以減輕佢哋嘅壓力，就係唔拍多餘嘅場口，用啲乜就拍啲乜。（已經計劃再拍第4集？）坦白講係有諗過嘅，但一切都要睇呢集觀眾嘅反應，再作決定啦！」

郭富城

服裝：Comme des Garcons

髮型：Ian Wong@ii salon

化妝：Terry Yu

羅仲謙

服裝：Polo Ralph Lauren

髮型：Jan Chiu@IL Colpo（PP）

化妝：Leo Tam@Annie G Chan

文：影視組

攝：吳文聰

場地：帝樂文娜公館 DaDa Bar