- on.cc 東網主頁
- 3月18日 (二)
藝員黃智賢、陳煒、車婉婉、張達倫等昨日在將軍澳電視城為無綫新劇《好日子》拜神，黃智賢與陳煒相隔十多年再合作，除了默契還大飽口福，他說：「有煒哥唔會有肚餓，佢之前又煲湯、又煲糖水畀大家飲。」陳煒笑說：「仲有Gigi姐（黃淑儀）呢，我哋輪流，遲啲畀個菜單你，可以點菜。」黃智賢劇中被陳煒鬧又用槍指頭，陳煒笑說：「所以咪要整番啲好嘢食畀佢，驚佢嬲。」
車婉婉的兒子已經九個月大，坦言開工有與兒子分離恐懼症，她笑說：「啱啱打咗幾次返屋企畀老公，個仔開始識行五、六步，屋企變咗好多家居『陷阱』驚佢撞親，成張高櫈都畀佢扯咗落嚟。」問到怎樣克服？她笑說：「唔知，依家心情都好戰戰兢兢，惟有開工前煮好晒啲嘢食畀佢。」她最近為《流行經典50年》唱經典歌《會過去的》及《不必剎掣》反應甚佳，吸引不少登台洽談，令她興起今年要在音樂上加把勁。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
