估估吓：王子高妹因愛成恨 鬥面燶

王子同公主由拍拖高調晒愛，到依家組織咗幸福家庭，仲生咗個可愛BB，每次出嚟活動王子都幸福滿載，提起BB更開懷大笑。當年佢同舊愛高妹嘅一段情最轟動，就算被人影到一齊，王子依然由頭到尾都冇認過高妹，就算無啦啦突然分手，各自各生活，王子都冇特別去祝福，難怪至今高妹都咁嬲。

有次講起高妹，王子原本笑晒口，一聽到高妹個名，就180度變臉大師上身，塊面黑到爆，仲即刻大鬧，又話唔答，又話唔好再問，無啦啦發咁大脾氣，嚇到大家都呆一呆，自此大家都唔敢再提高妹。究竟當中發生咩事？真係佢哋兩個先知，但好明顯愛嘅反面係恨。