容祖兒遊日畀仔撩
名花有主的歌手容祖兒早前單拖遊日本，前晚祖兒現身活動，自爆旅程有艷遇：「我食飯嗰時畀人撩，係外國人，佢問我部相機係咩牌子，咁我都有應機，不過我好快完結咗個話題，跟住就聽歌。（點解咁快完結話題？）唔係我杯茶囉！我唔想同陌生人搭話，我危機感好重。」問到可是怕男友劉浩龍擔心？祖兒說：「我自己都擔心自己。（有冇同佢報告？）唔好講呢啲。」她又指毋須與男友天天保持聯絡：「獨遊就係唔想交代咁多。（你冇報平安？）應該有嘅都有。」
提到在日本巧遇組合農夫成員C君，並被對方大爆她買東西「疊單厚過字典」，祖兒即時反擊：「佢大驚小怪，你估佢買得少！只係我個人有口德，佢仲叫我幫佢埋單，佢今年賺咁多，仲好意思做呢啲嘢！」
同場還有方大同、朱千雪、名模Cindy Crawford女兒Kaia Gerber、韓國女星朴信惠、台灣女星許瑋甯等，美國著名歌手Pharrell Williams則擔任表演嘉賓。
