江若琳有「婚」數獲舊愛祝福

藝人蕭潤邦（Oscar）前日在社交網宣布向女友江若琳（Elanne）求婚成功，獲不少圈中好友送上祝福。身在日本旅行的二人透過社交網繼續發放愛的閃光彈，戴上兩卡求婚鑽戒的Elanne心情靚爆，舉V字手勢玩自拍。身處雪地的她笑得甜美，果然人逢喜事精神爽，她留言多謝大家的祝福：「無論係留言或訊息我全部收到晒啦！你哋太令我感動啦！因為我知道睇住或陪住我大嘅朋友仲開心過我，I love you all。」而Oscar亦有上載二人在當地的旅行照晒愛。另外，Elanne前男友兼內地藝人曹雲金，亦在社交網「點讚」有關Elanne被求婚的新聞，隔空送上祝福。