- on.cc 東網主頁
- 3月21日 (五)
香香在《溏心3》的苦情演出獲讚，同劇的唐文龍亦因與陳敏之譜不倫戀而爆紅！捱足廿多年的文龍終於捱出頭，原來他當年由四千幾蚊人工做起，要住千八蚊劏房，靠食快餐慳錢度日，如今有出頭天，不忘多謝當年共患難的兄弟曹永廉經常請他吃飯，身在北京的文龍說：「已經係90年代嘅事，好多藝人都有經歷，好懷念以前拮魚蛋、唱K嘅生活。最近因為《溏心3》而多咗人留意，我覺得自己好似副恐龍骨，畀人攞番出嚟考古咁！（點報答阿廉？）阿廉睇住我大，人情債一世都還唔清！」
對於文龍有今時今日的成績，阿廉昨日受訪時坦言戥對方開心：「我哋認識25年，食飯邊個有錢咪邊個畀囉！我有時搵到多啲，咪請佢食幾百蚊嘅Pizza，搵唔到咪食幾十蚊嘅茶餐囉！不過，做兄弟嘅都會擔心佢，佢大上大落又唔會儲蓄，搵到時又使咗去！佢雖然慳食，但對兄弟一啲都唔慳，知道我咩生肖就送個開運吊墜畀我，成萬幾蚊o架！我都好好保存。」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
