- on.cc 東網主頁
- 3月21日 (五)
歌手周國賢（Endy）前晚在旺角麥花臣場館舉行演唱會尾場，在Encore時，他唱到何韻詩的《勞斯．萊斯》，但只記得半首歌歌詞，歌迷即起哄要擔任個唱監製的何韻詩獻聲，阿詩跑上台後抵死笑言：「本身（導演）好型嘛，又要我做番歌手，仲要由頭唱過，咁我要收錢嘞！」可是阿詩老貓燒鬚忘記歌詞，但台下反應卻超high，她說：「好彩，冇開聲都唱到，你咁陰我嘅。」Endy則謂：「最難唱嗰首歌畀番你唱啦。」唱畢後兩人來個抱抱，阿詩還笑言要寄帳單給Endy。
Endy接受訪問時，被問到是否「焗」阿詩上台？Endy說：「我唔知呀，其實第一晚都有諗叫唔叫佢上嚟，但佢好似心甘情願退居幕後，完全冇打扮咁，因為呢幾個月裏面完全拋開咗佢歌手身份。」問到可滿意演唱會表現？Endy坦言：「台、燈、聲無敵，但我自己應該可以好啲，所以都有愧於佢哋。」問到若有機會在紅館開騷，是否再找阿詩合作？他坦言在所難免：「因為呢九個月嚟都開好多次會，已經好熟悉大家。」至於問到三個女兒可有來捧場，他指除大女不在港外，二、三女都有來支持。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
