甄詠珊為車禍男友神隱4年
近日加盟無綫拍劇的藝人甄詠珊，日前為東網巨星節目《閨蜜睡房》任嘉賓，着上吊帶睡衣的她與主持李惠儀盡訴心中情。消瘦不少的她坦言拍劇前刻意減磅，皆因眼見無綫女藝人個個又靚又瘦，加上自己要求高、壓力大，所以愈拍愈瘦，但她似乎仍未滿意身形。
扮粗魯男人婆
在新劇飾演媽咪級角色的甄詠珊，坦言冇所謂：「我年紀話大唔大，話細唔細，學阿媽話齋，如果好命，喺古代已經做咗媽咪。」平時說話陰聲細氣的她更要扮男人婆，她說：「我反而覺得好大挑戰。」甄詠珊坦言現階段覺得開心、享受，因為好鍾意拍戲，身處無綫令她獲益好多，特別是待人接物方面。
談到感情生活，曾為前度足足在娛樂圈消失4年的她，原因是對方遇上嚴重車禍，身體和精神均受重創，當年全心全意照顧對方而暫別娛圈，可惜最後因家庭問題還是分開，這段難以忘懷的愛情，會否令甩拖已一段日子的她很難再去愛人？想窺探甄詠珊的內心世界，如何為愛情犧牲？曾經隆胸的她，當日點解又要拆彈？她的閨房「私物」又是甚麼呢？記得今個星期五、六、日收看《閨蜜睡房》！
文：音樂組