搵人做「柴可夫」？劉佩玥OK周志文迴避

蔡思貝與四個轆「八字」不合，好友劉佩玥（Moon）昨日接受電話訪問時坦言如有必要，會為對方化身「柴可夫」：「做嘢、去街車佢出入都冇問題，不過佢都大個女喇！自己都應該要小心啲，今次算係不幸中之大幸，會代大家提醒一下佢，如果真係整親會為佢祈禱。」而一度被指是蔡思貝「觀音兵」的周志文，表示相信對方在交通安全意識上已有進步：「佢之前係新牌仔，依家會知道點樣先安全喇！」至於會否揸車接載蔡思貝，他說：「今次係意外嚟，自己出入應該要再注意多啲、小心啲，希望嚟緊一年佢事事順利。」