胡鴻鈞鬧兄弟唔捧場

歌手胡鴻鈞（Hubert）昨日到電台宣傳新碟《到此一遊》，提到新碟有好成績，他表示聖誕節與朋友燒烤已是最好的慶祝。講到吳業坤沒有出席，Hubert指有邀請對方，但其生活模式較難捉摸：「佢有時唔打機，有時又會揀打機放棄我哋，講起就嬲！」問到吳業坤是否只顧追女仔？Hubert笑言只知對方最近在其緋聞舊愛Super Girls成員Aka的畫展，花了五位數買畫：「又唔買我隻碟？萬幾蚊買到一百隻碟啦，好兄弟出碟都未支持！」嬲到掟碟的Hubert指兩人未需要絕交，但要嚴重警告對方不要亂花錢。