話咁快2017年就會過去，無論過去一年過得好定壞，作為一個有願景有前瞻性嘅男子漢，好應該捨下過去展望將來，立定決心喺未來一年努力奮鬥！怕自己喺新一年慵慵懶懶唔肯上進？唔緊要！今日就帶嚟5個索女月曆畀大家，明年有佢哋陪伴，一定掂啦！
提到家陣最廣為亞洲人所熟悉嘅日本AV女優，相信大家已經唔會再諗起蒼井空又或者吉澤明步兩位殿堂級AV女優，而係會想起人氣高企又動作多多嘅三上悠亞！出身於SKE48美少女偶像團體嘅三上悠亞生得標致艷麗，身材有肉感又唔會過分肥膩，胸前一對脹卜卜E奶更加係美乳中嘅極品，外在美真係迷死人！不過，最抵讚係三上悠亞除咗努力拍AV顯身價，平時亦不停咁拍視頻以及出席各種公開活動，向觀眾大賣可愛魅力，冧盡老中青粉絲。而喺最新推出嘅2018年月曆，三上悠亞繼續將活力同愛意注入其中，令人猶如沐浴於悠亞嘅大愛當中，每日起身都會記實要為呢位「愛妻」努力奮鬥呀！
做男人應該視野廣闊，千祈唔好着眼於一個地方，事實上好多本地同胞一早就已經夢想可以衝出香港，去到日本溝女，咁就抵讚喇！因為日本真係好多靚女，而且身材仲相當之「大」！小弟所講嘅大除咗係吸引力大之外，仲有係佢哋個胸真係好巨大，擺在大家眼前嘅就有40吋I Cup爆乳嘅寫真女郎柳瀨早紀，每邊胸嘅體積都有佢自己個人頭咁大，難得嘅係大得嚟唔係打假波，買佢嘅2018年月曆返屋企，每朝起身都見到一對驚人爆乳，唔單止令好醒神，仲有擴闊視野嘅效果添！
日本寫真界有好多索女都係嚟自樂壇，好似柏木由紀、永尾瑪莉亞、佐羅聖羅、倉持明日香等都係出身於AKB48以及SKE48，不過講到身材激凸，就一定係地下女子團體「仮面女子」嘅前成員贏晒喇！好似神谷惠里奈就係G Cup女優中嘅極品，而其好姊妹天木純亦不遑多讓，生得甜美可愛，一臉萌味真係迷死人。不過純妹同好多萌系女仔唔同，因為佢擁有一副雪白鮮嫩嘅G Cup身材，絕對係童顏巨乳系當中嘅頂尖人物！一向最識賣萌嘅純妹喺佢嘅2018年月曆中，會以各種可愛打扮現身，仲會表演煮飯仔、出浴等最能夠勾起男人慾望嘅場面，正呀！
大家都應該知道女性嘅胸部以脂肪佔大部分，所以一個身材相當纖瘦嘅女仔通常上圍都唔大，至於身材肥胖嘅女仔上圍亦相對地大啲，但係一提到肥妹仔，大部分男人都會有所抗拒。其實肥唔代表醜，喺日本寫真界就有好多肥肥哋，但係相當吸引嘅例子，當中包括出道逾10年依然有擁有一副童顏嘅篠崎愛。愛妹近年雖然致力發展歌唱事業，但係仍然會繼續拍水着寫真畀大家欣賞。而愛妹可愛嘅面孔配上肉感十足又凹凸有致嘅G Cup身材，一直以來都深得寫真迷支持，今次喺2018年月曆當中，愛妹亦唔會令大家失望，穿着多款性感泳裝示人，陪住大家過肥年！
小弟一直都覺得年過三十又未夠四十歲嘅囡囡，女人味濃零舍吸引，喺日本AV界及寫真界亦可以搵到好多年紀三十過外，依然魅力超群嘅例子，AV女優就有風間由美、北条麻妃同川上由等，至於寫真界則有無敵辣媽熊田曜子，以及今年35歲時嘅G奶天后杉原杏璃！雖然杉原杏璃現時活躍於電視圈，減少咗寫真演出，但係推出月曆咁大件事，杏璃未有忘記，從佢嘅2018年月曆當中，可以見到杏璃大賣輕熟韻味，每個神態都嫵媚誘人，值得細心欣賞。而杏璃一直引以自豪嘅G Cup身材依然奪目耀眼，有佢陪住過新年就好似有一位嬌妻撫慰同支持自己一樣。
撰文：賢