名牌：何傲兒天生抵冷：最緊要靚！
藝人何傲兒（Lily）與雨僑無懼冷鋒，昨日仍低胸上陣。着上喱士吊帶裙的Lily大騷事業線，她坦言：「我都估唔到咁凍，我覺得做呢行嘅女仔係有天生嘅防寒能力，最緊要靚！好似我18歲入馬場，第一次着高踭鞋，企兩、三個鐘就好攰，依家企八至十個鐘都可以，所以禦寒能力都可以慢慢練。」
Lily又指因連身裙的胃腩位置是透視，故全程要挺腰收腹：「最近腸胃炎瘦咗，條裙先Fit，我唔可以食啲難消化嘅嘢，我向來食鮑魚都會嘔同難消化。（唔食得貴嘢？）今次係食魷魚消化唔到。」
至於雨僑則表示每逢大時大節，也會入馬場測試運氣：「新年會去馬場試吓自己嗰年嘅運氣，近幾年都有贏錢，好開心。」提到她與男友羅力威將於明年春天拉埋天窗，雨僑稱正在物色婚戒，自己鍾情簡單款式，反而男友要求有鑽石及要花巧，笑言估佢唔到。