歌手江若琳（Elanne）昨日冒寒穿短褲出席商場聖誕活動，與聲樂兒童合唱團大唱聖誕歌：「第一次同小朋友合唱，佢哋完全唔怯場，反而係我唔記得歌詞。」Elanne稱小時候曾跟隨教會報佳音，笑言要組織星級聖詩團賀聖誕。問到會否出席年尾的頒獎典禮？Elanne表示有工作在身未能參與：「有好多倒數活動都撞晒期，其實今年我返嚟唱歌唔係為咗爭獎，而係為咗實現夢想。」
