何佩瑜開刀放膿
女星何佩瑜（Jeana）早前於家中洗澡跌倒，及後不時發燒，左邊臀部肌肉亦愈來愈痛，前日終抵受不住痛楚而入院。經過抽血及磁力共振檢查後，發現原來傷口因為沒打破傷風針而受細菌感染，故昨日接受手術放膿。
保住白滑美腿
Jeana於麻醉藥過後接受訪問，透露之前一直找不到發燒原因，更曾高燒至40度，令她相當無奈：「原來係細菌感染，我跌倒(界刂)損咗大髀冇為意，之前仲走去按摩，後來啲肌肉痛到抽筋，左邊Pat Pat仲痛到腫起。（會唔會留疤？）冇嘢嘅，醫生開咗個細位，隻腳仲滑嘅，呢次算係不幸中之大幸，起碼冇整到尾龍骨，好早發現，未至於壞血，否則就大件事。」Jeana還自嘲平日拍戲打到飛起也絲毫無損，沒想過洗澡一跌便如此傷。
媽媽貼身照顧
由於男友翁子光身在外地工作，照顧她的責任便落在何媽媽身上，令Jeana感受到世上只有媽媽好：「媽咪連飲水整濕少少，都即刻幫我抹，真係感動到想喊呀！（要留院幾多日？）3、4日左右，聖誕前應該可以返屋企休息。」
文：影視組