森美自薦幫手湊仔搵陳豪對親家

陳豪、森美、李佳芯、麥明詩、姜大偉及余德丞等，昨午到馬鞍山宣傳無綫台慶劇《誇世代》。森美甫上台即向陳豪送上紅心，又熱情地擁着對方合照，令全場嘩然，他更預告周三將會在劇集中再次登場掀高潮。

派囡囡教路面試

森美與陳豪孖公仔受訪，問到二人是否「朝思暮想」對方，森美笑言：「唔係成日聯絡，一個月做嘢見幾次囉，唔想我哋嘅太太誤會呀，要好好控制吓自己。」又自爆太太及子女去了旅行，順勢問陳豪是否有空約會，卻遭對方以忙湊仔為由婉拒，森美即搞笑說：「咁我又嚟幫吓手，三人行一人湊一個，返屋企幫佢個仔換完尿布上埋床瞓，哈哈！」

陳豪透露子女最近忙入學面試，問到他可會向「過來人」森美討教，森美即搶答：「佢兩公婆叻，我就係仔女叻，所以冇嘢可以教到佢，一係帶啲仔女去佢屋企教吓囉。我哋兩個冇行啫，但我唔會放過對親家嘅機會，睇吓我個女同佢邊個仔啱。（佢個大仔都係得幾歲咋。）我個女11歲，但戀愛冇年齡界限！」

陳豪（左）同森美合力抬起李佳芯搞氣氛。

姜大偉（左二）即興教一眾演員耍番幾招。

李佳芯自誇抵用

同場的李佳芯忙拍新劇，聖誕及新年將在工作中度過。問到會否與男友陳炳銓撐枱腳慶祝，她笑言希望收工能趕及食消夜：「佢都好忙，成日要開會，相信呢個聖誕係沉悶嘅。（揀咗禮物畀佢未？）我唔係好識買禮物畀人，平時最多都係網購，行街時留意對方鍾意啲乜，不過行街機會亦唔多。」她透露除夕夜已接商場騷，問到有否趁最近得獎加酬勞，她坦言：「聽經理人講有加，不過依然超抵用囉！」

文：影視組