林峯千語疑似分手：我冇嘢講
藝人林峯與吳千語5年情玩完？林峯5年前瘋戀藝人女友吳千語時，曾發表「七愛宣言」：「我好愛好愛好愛好愛好愛好愛好愛BB」，出手闊綽的他更送贈值8,000萬豪宅，不過兩人去年傳感情轉淡，更一度分手，雖然最後復合，但感情仍難回到「七愛」時，更有傳兩人現正處於冷戰期。
昨日，林峯現身沙田馬場「六福珠寶賽馬日」，提到聖誕未能陪女友時態度冷淡：「佢有佢忙，我有我忙。（你之前生日點過？）同屋企人過，佢太忙冇一齊。（女友送咩生日禮物畀你？）冇收到。（感情轉淡？）工作期，努力工作先。（你哋有問題？）大家間唔中都有聯絡，實在太忙。（分咗手？）我真係冇嘢講。（仲係一齊？）佢依家喺橫店拍緊部民初o既戰爭片，到2月底。（仲係男女朋友關係？）係。（會唔會補祝生日？）唔使，我對生日同大時大節冇乜所謂，工作最重要。」不過談到工作，林峯即時變得雀躍。提到有份主演的內地劇集《獨步天下》點擊逾20億，他笑言與男主角張睿上演HeHe咀，諗起仍然毛管戙。
至於吳千語透過經理人回應：「佢依家喺內地專心拍戲，暫沒有回應，謝謝。」其好友馬天佑以電話回覆，表示已數月沒見千語，沒聽聞兩人分手，亦不覺千語有異樣。
