鍾嘉欣囡囡賣萌狂塞媽咪食爆谷
藝人鍾嘉欣近年湊女為樂，但仍有參與幕前工作，她日前與囡囡Kelly齊齊拍攝聖誕特輯，Kelly更狂塞爆谷入母親口，氹得嘉欣相當開心，場面溫馨。
成為人母後以湊女為樂的鍾嘉欣，仍不忘演藝事業，間中都會參與演出及出席活動，日前她就帶同16個月大的囡囡Kelly到香港主題樂園拍攝聖誕特輯，兩母女首度同場演出，嘉欣坦言機會難得：「呢度好多公仔Kelly都好鍾意，玩到唔捨得走，所以我同老公都覺得今次拍呢個特輯係一個好機會，等我哋可以留下美好、溫馨嘅回憶。」
遺傳演藝細胞
當日拍攝了五小時，Kelly全程表現亢奮，吹肥皂泡之餘，更不斷餵嘉欣食爆谷，即使導演已嗌Cut，一臉天真的Kelly仍繼續將爆谷塞落媽媽的嘴裏，囡囡停不了手，嘉欣就停不了口，十分惹笑。
只有16個月大的Kelly比媽媽還要早「出道」，面對鏡頭表現自然，不斷賣萌，似乎遺傳了媽媽的演藝細胞，嘉欣說：「其實拍攝初期，Kelly有啲怕醜，可能太多工作人員圍住佢，又有啲大型拍攝器材對住佢，所以唔太習慣，需要慢慢warm up。」
說到拍攝酬勞，嘉欣指並不重要：「最珍貴嘅係啲片段可以永久保存，將來Kelly大個都可以睇番。」
文：影視組