林奕匡約粉絲草原Gathering
歌手林奕匡（Phil）昨日在電台節目宣傳新歌及明日舉行的戶外新EP發布音樂會，他表示公司特意配合主題而選址在草原上舉行：「好驚天氣影響，啱啱Check咗（天氣），連續三日都陽光普照，都有同歌迷講着衫同埋搽防曬，佢哋可以帶嘢食嚟。」
他預告除了會唱畢整張EP的歌及與Fans玩一連串的遊戲外，亦邀請了一位神秘女嘉賓。問到可會緊張？Phil笑指反而是感到興奮：「記得上次係一出碟就做發布會，都冇乜機會Loop啲Side Track歌，好驚唔記得歌詞，但上次有提詞機，今次戶外就冇，要記好歌詞。」