文詠珊吹風扇升「仙」

文詠珊拍劇捱到病，幸好收視理想。

文詠珊近年主攻內地巿場，有份演出的內地古裝劇《九州．海上牧雲記》收視報捷，播出15日已達30億播放量，非常犀利！JM在劇中飾演魅靈的角色，造型飄逸充滿仙氣，不過原來背後有苦自己知，她說：「日日都要被大風扇吹住，拍攝期間天氣好凍，吹得太勁病咗，但有咁好成績好開心。拍劇時留喺象山，冇啖好食，因為只係得海鮮，自己又唔鍾意食，所以更加瘦。」她笑言又病又瘦的她顯得弱不禁風，與角色更配合。

講普通話被笑

之前JM的中英夾雜說話方式被網友取笑是「JM Tone」，今次親自以普通話演出，亦難逃被網民嘲諷，但她豁達地說：「好開心講普通話，雖然被網民笑口音，但冇所謂啦，好多朋友都唔知係我真聲，話認唔出我把聲。」

同劇演員有黃軒、竇驍及徐璐等，JM表示與團隊相處十分開心，更大讚男主角黃軒：「佢好識照顧演員，又識用眼神帶動情緒，令我好快入戲。」

文詠珊被風扇狂吹營造飄逸仙氣效果。

文詠珊大讚黃軒貼心，合作愉快。

文：名人組