苗僑偉首膺視帝 宣萱隔18年再封后

多位無綫藝員昨晚在馬國雲頂出席《TVB馬來西亞星光薈萃頒獎典禮2017》，全晚頒發多個獎項，「最喜愛TVB電視劇集」由《踩過界》奪得。「我最喜愛TVB男主角」方面，早前榮升新加坡視帝的王浩信在《踩過界》飾演「盲俠」演出精彩，賽前被看高一線，兩屆「馬國視帝」陳展鵬在當地亦甚受歡迎，但最終兩人都被「卓Sir」苗僑偉擊敗！

多謝Fans不離不棄

59歲的苗僑偉憑兩集《使徒行者》累積大批Fans，昨晚勇奪馬國視帝，他在台上保持冷靜未有落淚，他說：「從影差唔多40年，橫跨兩個世紀，經歷無數頒獎禮，人生第一次得到重要獎項！萬般滋味在心頭。」他又特別多謝監製梁家樹於2004年將他由一個商人再帶回TVB：「一直想喺頒獎台多謝佢，但自己唔爭氣！」最後不忘多謝太太戚美珍：「多謝佢身兼數職照顧我，呢個獎係你嘅！」台下的戚美珍即冧笑及送飛吻。

苗僑偉憑《使徒行者2》的出色演技，首度贏得視帝，在台上感謝太太戚美珍。

王浩信與李佳芯衝三冠王斷纜，憑《踩過界》奪「最喜愛TVB電視劇集」當安慰！

47歲的宣萱在《不懂撒嬌的女人》中飾演「Mall姐」極具「戲場」，早前只在新加坡奪得角色獎，昨晚終於突擊成功，揮低去屆「馬國視后」胡定欣及早前贏得「新加坡視后」的李佳芯（Ali）！其實Ali前日出發時知道宣萱會出席後已打定輸數，果然「開口中」！宣萱曾於1999年贏得無綫台慶女主角獎，昨晚再成馬國視后，她說：「我好耐冇上台攞獎！上次係1999年，好多謝大家投票，我都入行25年，仲拍緊劇係因為好鍾意做戲，另一個原因係個過程，每個人攞獎都係團隊功勞！仲要多謝我啲Fans對我不離不棄！」其後她在後台笑言喜悅心情尚未平復，心仍在噗噗跳，問會否想在台慶頒獎禮再得獎？她說：「隨緣啦！」

「限奶令」一出，唐詩詠（圖）與張寶兒等女星個個密實。

張寶兒

姚子羚陳山聰拍拖贏配角獎

女配角獎由姚子羚憑《同盟》奪得，她在台上愈說愈眼濕濕：「呢一年對我嚟講好難忘，一場意外令我受傷停工半年，多謝公司包容，嗰段時間我擔心毀容，我好多謝我嘅另一半，佢令我明白人生無常，學識珍惜。」最終她落下淚來，台下的定欣及山聰亦喊晒！其後山聰贏得男配角獎，他哽咽致謝詞，先向拍檔子羚說「I Love You」，再多謝亡父及母親，並說：「多謝照顧咗我四年嘅另一半！多謝佢做咗咁靚嘅衫畀我，今晚係我人生重要一頁，之後我會更努力，踏實謙卑對待每個角色。」

陳山聰與姚子羚（圖）《同》樣贏得男、女配角，姚子羚更喊到收唔到聲！	陳山聰	TVB馬來西亞星光薈萃頒獎禮2017得獎名單

未知是否受「限奶令」影響，一眾花旦打扮不算性感，最有睇頭是定欣身穿超低胸裝晒骨感胸，步步驚心似乎隨時走光，朱晨麗穿上金色連身裙晒玲瓏浮凸身形，譚凱琪大騷玉背，Ali則穿Tube Dress晒線頭。

文：影視組