張敬軒發嬲鬧細路

歌手張敬軒主演的英皇電影《燦爛這一刻》昨日公開劇照。飾演拉丁舞老師的張敬軒在戲中不停鬧學生,戲外卻被他們激到好勞氣:「依家啲小朋友會頂嘴,仲鍾意每事問,例如喺網上睇到我嘅報道後,會追問︰『點解你女朋友咁肥?』」軒仔表示角色較嚴肅,而且小朋友沒有演出經驗:「佢哋唔能夠做到即時喊同笑,戲入面好嬲咁鬧佢哋,都係真做。」開拍前,軒仔跟小朋友相處一段日子來培養感情︰「唔使埋位嗰陣,我會陪佢哋做功課、讀書,甚至打遊戲機,所以去到發脾氣嗰場,佢哋好傷心咁喊,我有啲難受,惟有每次拍完向佢哋道歉。」