黃心穎做Facial急救熊貓眼

港姐出身的黃心穎，除了是男友馬國明的「BB」外，樣子甜美又有身材的她，更是不少宅男心目中的女神。不過「女神」始終都是女人，大部分女人都貪靚，心穎BB為Keep住靚樣以最佳狀態示人，趁住不用開工去美容院扮靚。

戴罩遮素顏

最近拍劇捱到殘的心穎，免得一雙「熊貓眼」嚇怕男友，日前獨自現身銅鑼灣置裝兼扮靚，當日下午3時，心穎素顏上陣，全程戴住口罩遮殘樣，急急腳步往該處一幢設有美容院的商廈做Facial急救眼圈。約兩個多小時後，做完Facial的心穎同樣戴住口罩步出，但她未有即時回家，反而繼續在附近Shopping。

掃衫買零食

戴住口罩的心穎BB於時裝店內揀衫，逛了一會已有斬獲，見她挽着大袋戰利品離開，期間有不少途人認出她兼眼望望，但她未有理會繼續行街揀靚衫。意猶未盡的她其後轉戰另一時裝店，但極速兜了一個圈都睇唔啱心水，之後到附近便利店增值，順便購買餅乾、飲品及少許零食，便往停車場取車返歸。

心穎BB雖然戴口罩，但一雙「熊貓眼」極深。	黃心穎、馬國明 下次扮靚啲先見人啦！（設計對白）	黃心穎全程戴住口罩遮殘樣，最後索性戴番副黑超（圓圖）。

文、攝：追蹤組