余香凝吔雞煲過情人節

藝人余香凝昨日到電台宣傳新歌《簡單情歌》，她認為簡單的愛才是最好：「有啲人一開始就講好多誓言、一生一世、結婚就要儲錢買樓，逼到對方好辛苦，可能到最後都係分開，咁點解唔去享受大家嘅相處？」問到歌曲是否講述男友陳家樂？她稱是講自己的愛情觀：「我好簡單，生日同情人節都係食雞煲，唔會苛求啲乜，只要另一半有夢想，係個努力嘅人，唔係好頹廢，勤力已經足夠。」講到MV內與男模特兒有親密動作，可有激親男友？她說：「唔會，大家都係專業演員，做戲啫。」