切除卵巢10cm囊腫後復工 李佳芯唔怕冇仔生：驚開刀痛多啲！
剛奪視后的李佳芯早前入院切除卵巢附近的10cm囊腫，休息一星期便「復工」，宣傳台慶劇《誇世代》。問到可曾擔心卵巢有囊腫會影響生育？她說：「當時擔心痛多過生唔到BB！」
藝人田蕊妮、歐陽震華（Bobby）、陳豪、森美、張繼聰、龔嘉欣與李佳芯等前晚現身無綫台慶劇《誇世代》「閃耀登場」大派對，無綫高層曾勵珍更隆重其事撐場。被指有「HeHe」情的陳豪與森美被起哄咀嘴，想不到森美即上前咀對方，阿田搞笑說：「小心錫錫都會有BB呀！」來揶揄「多仔公」陳豪。
上月於《星和》頒獎禮贏得視后寶座的李佳芯（Ali）上周秘密入院，及後解釋要接受手術將卵巢附近的10cm囊腫切除。休息一周後，病後初愈的Ali精神甚佳，但為免影響傷口而顯得步步為營，她講起手術時說：「之前已經Check到，由新加坡返嚟就痛，立即入院做手術。因為囊腫都有10cm大，會Check番係咩事，九成係良性！」問到男友有何表示？Ali笑說：「陳生（陳炳銓）？佢都做『柴可夫』載我出入。」
拒講信心 Bobby：會小器o架！
事後，問到可曾擔心因而影響生育？Ali說：「當時驚痛多過生唔到BB！個囊腫雖然大，生喺卵巢附近，但醫生話唔會影響生育！其實成件事比想像嚴重，初頭以為微創手術啫！點知醒番後，我抖到第五日都痛緊，全身骨痛，因有空氣入咗去，又有血水。後來同朋友傾，呢啲開刀好似生完BB咁！」
有無綫「福將」之稱的Bobby坦言開心劇集即將出街，問到可有信心從四套台慶劇中彈出？他笑說：「我哋唔敢講，會小器o架！」身負重任的阿田則希望大家抱輕鬆心態去欣賞，由於劇中Bobby與吳業坤的角色互換，阿田對此笑說：「最開心應該係吳業坤，日日嚟影張相就走得，戲都唔使演，Bobby幫佢演埋！」
文：影視組