千嬅變女俠囝囝面都青埋！

今年萬聖節撞正星期二，不少藝人提早慶祝，懷有第二胎的歌手官恩娜、名模Cara G.、台星徐熙娣（小S）等分別扮成女巫、公主等，更在社交網大晒造型照與眾同樂。而快將舉行演唱會的楊千嬅，亦趁機扮成神奇女俠（Wonder Woman）「應節」，順道為同名個唱主題曲宣傳。而丁子高為配合老婆，以金髮國王造型出動，但論搶鏡絕對不及囝囝Torres，將臉化成青色，又戴上巫師帽扮鬼臉，相當投入！

唔夠性感？丁子高：夠啦！

丁子高昨日接受電話訪問，他指囝囝很喜歡萬聖節：「囝囝好鍾意法術，成日話要變我同千嬅做青蛙！（千嬅造型好密實？）夠啦！唔需要太性感，好多小朋友同家長喺度。我亦見到有網民話想佢着呢套衫喺演唱會唱《Wonder Woman》，我都好鍾意呢個造型！」

「小丑女」鍾采羲（右）與扮樹精的楊埕出席派對。	簡淑兒戴魔鬼角頭飾「應節」。	嘴扁扁的丁子高，與囝囝「面都青晒」的肉緊樣，相映成趣。

鍾采羲負傷未能盡興

另一邊廂，藝人鍾采羲前晚以小丑女造型出席萬聖節派對，她透露早前右腳受傷入院：「依家未好番，瘀晒，唔可以飲得好犀利。」她又稱早前針灸時被針灸師拮穿靜脈：「醫生話起碼一個月先好番。」至於藝人簡淑兒昨日出席活動，透露萬聖節冇人約，又自言難結識異性，並大談擇偶條件：「我唔食小鮮肉，鍾意成熟啲，好似暖男咁。」

大肚官恩娜佗一個、抱一個，最緊要開心。

Cara將囡囡化到變大花面，應一應節。

文：專案組