- on.cc 東網主頁
- 3月27日 (四)
歌手吳若希（Jinny）與莊思敏及莊思明等前晚到電視城出席《善心滿載仁愛堂》，Jinny本月10日榮升澳門闊少何兆鴻（Alex）老婆，心情大靚的她，玩遊戲時更險洩春光！她說：「公司之前派人去澳門幫我拍新歌MV，叫做有番啲歌唱咁啦！（講到咁慘？）因為老闆擔心我澳門、香港兩邊走，驚麻煩我，雖然我好享受家庭生活，都係時候工作，因為我先生負擔屋企都好犀利，我賺錢自己使係開心嘅！（喺菊梓喬手上爭到歌唱？）公司不嬲有分配，冇話爭唔爭，佢把聲好實淨！（因為結婚生B，冇得去新加坡《星和無綫電視大獎》？）來日方長，我又唔係唔做！」
莊思敏則笑說：「我有諗過唱歌籌款，但怕變負數！話唔埋遲吓自己全裸開Live唱，不過淨係影住個頭啫！」莊思明則笑胞姊說：「莊思敏把聲可以試吓做男歌手，等人欣賞吓咁好身材，但把聲咁男人嘅歌手！我最近做咗首歌，計劃出年推出！」另外，二人昨日出席另一活動，性感上陣。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
