楊怡積極造人 隨時報喜推定Job
楊怡與羅仲謙去年在英國拉埋天窗，並於去年10月在港舉行婚禮，新婚年多的楊怡昨日接受電台訪問，快將踏入高齡產婦年紀的她直認已開始造人計劃，為免突然「有喜」而推掉多個工作，楊怡嘆氣說：「暫時唔敢Plan太遠！」
38歲的楊怡昨日接受「阿哥」馬浚偉主持的電台節目訪問，去年披嫁衣的楊怡被問造人計劃時，她大方透露「進行中」：「我哋係Ready，唔會畀太大壓力自己，依家又拍緊嘢，輕輕鬆鬆去開始，有呢個心理準備係好事。（工作唔Plan到咁遠？）暫時唔敢Plan得遠。」自認有責任感的楊怡，不想接下工作後因有B而得失任何人，她說：「呢行嘅嘢話唔埋，如果接咗套劇或工作，有咗係一個責任嚟，唔可以得失任何一方。（恭喜你快啲報喜？）希望啦！」
同豬牌襯絕
身為「阿哥」的馬浚偉大騷腳上新波鞋，透露是羅仲謙娶楊怡時送給「大舅」的「爬頭」禮物，他說：「係大舅鞋嚟o架，當佢通知我結婚，我就嗌佢叫羅仲謙送對鞋畀我。」楊怡搶答說：「送對鞋畀你冇問題，你係咪打番隻金豬牌畀我！」慘被屈的馬浚偉高呼：「結果揼咗我7萬幾買豬牌。（係咪好肉赤？）唔係，心甘情願。」隨即揶揄楊怡說：「有幾多人戴豬牌戴得咁好睇吖？佢真係好襯囉！」未能反擊的楊怡即窮追猛打向馬浚偉催婚。
憶亡父眼濕濕
馬浚偉又爆楊怡憶述早前父親離開時一度眼濕濕，楊怡說：「我係好眼淺，同埋一講屋企人好易喊，當年喺內地橫店拍劇，爸爸走咗要急住返嚟見佢，之後返番去橫店繼續拍攝，開酒店房門就收到馬浚偉寫畀我嘅信。」問到內容是否很感人？她說：「字裏行間唔多，話有咩事都要加油，唔好唔開心，有咩需要同佢講，佢一定會喺身邊支持我，好簡潔但勝過千言萬語。」
文、攝：音樂組