趕聖誕前拍拖 欣宜：兩個月夠時間

歌手鄭欣宜、名模周汶錡、藝人周家蔚及組合Supper Moment昨日出席活動，欣宜表示聖誕節要在工作中度過：「依家做緊新歌，因為出年有計劃，所以今年要加倍努力做歌。（出年開演唱會？）有好消息會同大家公布。（想喺紅館開騷？）好希望，我諗每個香港歌手都想。」單身的她被指聖誕要單拖過節，她笑說：「可能到時有，兩個月有足夠時間成為男友。（有人追？）睇吓點，睇吓識唔識做。（如果聖誕向你表白，成功機會高啲？）應該會得，因為聖誕係我最鍾意嘅節日，但未試過有人聖誕節向我表白，因為以前喺加拿大讀書，當地人覺得聖誕係同屋企人過。」