熊黛林怕走樣 有峰駛盡𢃇

名模熊黛林（Lynn）以紅色低胸長裙出席活動，展露性感身材。Lynn表示現場熱到標晒汗，問到老公批准性感？她說：「少少低胸啫！有得靚快啲靚吓。（驚有咗BB？）冇！驚第日冇咁好身材。」談及她日前在微博發長文指買車後發現原來不包洽妥好的配置，還遇上惡劣態度，她透露車價近百萬元，是老公送給她的禮物，現已處理中，應該沒有問題。
熊黛林性感示人，笑言「小兒科」唔使問准老公。
熊黛林性感示人，笑言「小兒科」唔使問准老公。

同場還有影星任達華，他表示有個小酒庫收藏世界各地紅酒，問到會否購買私人酒莊？他指每年都會去澳洲，因當地酒莊很靚：「想拍多兩部戲，喺澳洲嘅酒莊買間屋仔。」又謂劉嘉玲是圈中最飲得：「我同嘉玲拍《我的情敵女婿》，一支我都High High哋，但佢兩支都冇事！佢真係好得！超得！」

任達華透露有意在澳洲置業。
  • 任達華透露有意在澳洲置業。