與鄧麗欣「黑白配」 周秀娜：咪咪仲喺度！
女星周秀娜、鄧麗欣（Stephy）及導演火火昨晨現身機場，去台灣出席高雄影展，娜姐表示紅地氈戰衣會配合電影冷艷暴力的角色，主要是黑色元素，但不會很性感。講到之前拍的泳衣照明顯消瘦，她說：「因為要配合角色清減啲，同時間又拍幾套戲，所以瘦咗，依家食番多啲嘢。（上圍有冇升番？）上圍不嬲咁上下。（網友嗌失望話周秀娜咪咪唔見咗！）唔見咗咁恐怖？啋！一直都喺度！係泳衣Cutting同角度問題，咁呢個世界有地心吸力，我又好難抗拒，總之（咪咪）仲喺度，多謝大家關心。」
提到與Stephy合作，娜姐表示兩人曾共患難，問有否傾男仔經？她笑說：「我哋應該冇咩男仔好講，鬥Dry呀！而且我哋角色係敵對，為個男人開戰，如果講呢啲話題可能會嗌大交。」Stephy則表示近日不止一次到外地宣傳電影，心情興奮，而今次在高雄逗留四日，希望有機會按摩。眾人到達台灣後，Stephy即被當地粉絲包圍及補送生日蛋糕，更自拍留念，大受歡迎。隨後她與周秀娜及火火走上紅地氈，兩女大玩「黑白配」衣着，甚為型格。