Bingo換血 5變4 Katie同水原希子撞樣GD都要(目及)
由隊長Carman（關嘉敏）率領的女子組合Bingo，今年大換血，由5變4，第一代成員Gia和Kylie離隊，加入有「港版水原希子」之稱的Katie（陳韻瑧），以全新四人組合示人。由舞蹈員轉戰樂壇的Katie被指貌似日本藝人水原希子，對此Katie說：「由未加入Bingo前已經有人話似。」
女子組合Bingo近日有「港版水原希子」之稱的新成員Katie加入，原來Katie與水原希子的前度、Big Bang成員G-Dragon（GD）亦甚有緣分，曾多次遇上，她謂：「前年喺MAMA頒獎禮度見過，我嗰時仲係Dancer。（GD望到你？）我冇專登望，怕令人唔自然，但見佢不時都有望過嚟。」
Katie亦怕自己「諗多咗」，但演出後第二天再在機場偶遇GD：「佢咁啱過行李時就喺我隔籬條隊，本身我唔認得佢，佢戴晒口罩同帽，反而係我同行嘅人話我知，話GD係咁望住我。（乘機識佢？）我唔識韓文，同埋我都唔係佢Fans。」相反Katie卻想見水原希子一面，她說：「聽到人哋話我似佢我係好開心嘅，因為佢係日本好Top嘅Model，自己都好鍾意佢。（見到敢唔敢要求合照？）都OK呀。」
帶來新衝擊
至於三位成員Christy（周彥）、Odilia（陳康琪）和隊長Carman，對Katie入隊就直言「嬲嬲豬」，事關四人因跳舞關係早已認識，但Katie就瞞着她們秘密Casting。Carman說：「有日公司話新成員會嚟一齊排舞，後尾見到Katie入嚟仲以為佢嚟探班，點知原來佢就係新成員。」Katie坦言：「怕Casting失敗所以唔敢講，到知道得咗，就想畀Surprise佢哋，同埋唔想靠朋友關係入嚟，想試吓自己能力。」
三女稱Katie加入令她們少了擔心，但多了一份新衝擊，Carman說：「我哋三個之前好多嘢都諗過試過，依家Katie就可以幫我哋諗到一啲新Idea，嚟緊排舞同拍片，好多都係Katie提議，大家亦唔使花時間磨合。」
文：音樂組
攝：司徒國榮