Hea對甄子丹 Ben Sir想演小人物

歐陽偉豪(Ben Sir)昨日到九龍塘出席活動,風趣分享「拗柴」等運動相關用字,講到他繼睇樓後再踩過界到運動圈,他說:「主要係分享運動健康,同台教授都上過《學是學非》,今次係應邀支持,酬勞都唔收。」

問到《Ben Sir睇樓團》見街後可有樓盤廣告接洽?他表示:「都有啲廣告傾緊,樓盤就未有,接咗個日本廣告去當地拍,係十分鐘長嘅微電影。」Ben Sir又透露有份在英皇電影《我的情敵女婿》中客串:「同鄧梓峰、MC Jin演會計師,客串吓,嚟緊有部戲同甄子丹合作,會有對手戲。(打戲?)唔使打,主要係眼神接觸,今次做一個Hea爆老師。」他表示不渴求做奸角:「我反而覺得小人物有發揮啲,淨係諗點用面部表情演會計師已經學到好多。」