廖子妤碌地沙當做Facial
影帝林家棟、日籍演員池內博之、廖子妤與導演李安兒子李淳等昨日宣傳新片，戲中的廖子妤扮演「獨臂毒販」，經常拍追逐場面：「大家嫌我跑得唔夠快，但已經係跑得最快！」又指對一幕「瞓地戲」印象難忘：「工作人員事前有洗地，但我瞓落去都係成面沙，好似磨沙咁，返到屋企皮膚都細緻咗。」
扮演警察的家棟有不少戲份都在「垃圾崗」拍攝，形容是入行以來最辛苦一次：「要交代我不斷摷垃圾，每日有15架車垃圾到場，我生日嗰日就喺一條爆咗嘅屎渠隔籬摷垃圾度過。我又淋足十幾日雨，最高紀錄開足19個鐘！」還透露池內因此病倒：「我要同佢好近距離講對白，都驚畀佢傳染。」
