認識3個月 讚男友體貼阿嬌唔識騷恩愛
組合Twins昨日於長沙舉行《花約》專輯簽售會，吸引大批粉絲支持。日前成員鍾欣潼（阿嬌）爆出與台灣「醫界王陽明」賴弘國發展姊弟戀，雖然有粉絲擔心男方不可靠，但無損對Twins的熱情。暖場嘉賓獻唱一個多小時後，Twins才出場，歌迷即歡呼聲震天。阿嬌於活動上不時甜笑，春風滿面，簽名期間有粉絲恭喜她，她未有回應，蔡卓妍（阿Sa）即代答多謝。
而昨晚Twins由長沙返港，笑容滿面的阿嬌對記者連聲恭喜也有甜笑，聽到記者以「王陽明」稱呼男友時，她嬌嗲笑說：「哎吔！唔係王陽明呀！」又多謝大家關心：「開心嘅，佢係一個體貼嘅男仔。」她只透露兩人認識三個月，並說：「我同佢都好忙，我日日拍戲拍到癲。」對粉絲指她男友太靚仔而替她擔心，阿嬌說：「唔驚！」阿Sa幫口說：「睇嘢唔好睇表面。」阿嬌亦表認同，又大讚男友對她超好，問到男友如何奪她芳心？她笑說：「唔講咁多。希望大家畀啲空間我哋，我好少公開戀情，因為唔識得點樣騷恩愛，所以依家好尷尬。」她又否認將自己及男友的八字給麥玲玲算命。