黃耀明自嘲老人家

藝人黃耀明前晚出席紀錄片電影節活動，表示有幾套紀錄片想睇，其中一套關於同性戀。談到組合at17將於12月開騷，他表示當然會幫手：「佢哋有約我開會聽我意見。（會做嘉賓？）我諗唔使嘉賓，當然會去睇，佢哋猛咁問我意見，但我話我呢啲老人家，佢哋應該問後生仔意見，但下星期約咗佢哋傾，一定會支持。」他又透露感恩節會與劉以達到美國西岸開騷。